Përshëndetje,
Shpërblimi për lindje fëmije i paguhet një personi të siguruar, i cili është nëna ose babai i fëmijës që lind, me kusht që njëri prej tyre të ketë kontribuar për një vit para lindjes së fëmijës.
Kërkesa për përfitim shpërblimi për lindjet mundëson dhënien e shpërblimit për shtetasit që kanë lindur fëmijë dhe bëjnë regjistrimin brenda afatit të caktuar ligjor. Ky shpërblim përfitohet kur regjistrimi i lindjeve kryhet brenda 60 ditëve, për lindjen brenda vendit dhe brenda 90 ditëve, për lindjen jashtë vendit.
Për të siguruar këtë shpërblim duhen certifikata e lindjes së fëmijës (Kjo certifikatë mban shënimin e vendosur nga nënpunësi i gjëndjes civile ‘Për efekt shpërblimi nga rregjistrimi i lindjes brenda afatit ligjor’), libreza e periudhës kontributive, si dhe vërtetimi i vjetërsisë në punë dhe derdhjet kontributive.
I interesuari me certifikatën e lindjes më shënimin e sipërcituar duhet të paraqitet në zyrën e financës së bashkisë/njësisë bashkiake/komunës përkatëse, për të tërhequr shumën.
Faleminderit.