Ndarja nga trungu familjar dhe efektet mbi pasurine?

Pershendetje,

Jemi një familje prej 6 anëtarësh, kam disa vite që jetoj i ndarë nga prindërit.  Cfarë me keshilloni a duhet të vazhdoj të jem i regjistruar në të njëjtin trung familjar apo të bëj ndarjen dhe të jem vetëm me gruan e fëmijën?  Familja zotëron këto prona 2 shtëpi banimi dhe tokë. Cilat jane efektet e ndarjes nga trungu familjar ne lidhje me pasurine?

Faleminderit


Qytetari: N. L. Data: 8 May , 2020, Kategoria: Uncategorized.

3 responses to “Ndarja nga trungu familjar dhe efektet mbi pasurine?”

  1. 2

    Pershendetje! Eshte zgjedhje personale te qendroni apo jo ne te njejtin trung familjar me prinderit. Ndarja nga trungu familjar behet prane Zyres se Gjendjes Civile, ku nepermjet kerkeses me shkrim (formular I gatshem) ju aplikoni per ndarjen nga trungu familjar. Kjo ndarje nuk sjell asnje pasoje mbi pasurine. Faleminderit

  2. Ertil Mecaj Ertil Mecaj says:

    Pershendetje,

    Qenia apo jo pjese e trungut familjar nga ana juaj nuk ndikon mbi pasurine familjare te fituar nga prinderit, qofte kjo pasuri e fituar personalisht nga secili prej tyre apo pjese e bashkesise ligjore. Nese pasuria eshte e fituar vetem ne emrin e personave te tjere qe jane pjese e trungut familjar, vellezerit apo motrat, kjo pasuri konsiderohet pasuri personale e tyre.

    Gjithashtu nese problematika juaj lidhet me trashgimine mbi pasurine ne emrin e prinderve tuaj, pavaresisht nese jeni apo jo pjese e trungut familjar, ju konsideroheni si trashgimtar i radhes se pare.

    Gjithe te mirat!

  3. Pershendetje,

    Kryerja e veprimeve ne gjendjen civile per ndarje nga trungu familjar nuk eshte e lidhur me pasurine, pra nuk ka asnje pasoje ne kete drejtim. Ne lidhje me pasurite qe ju relatoni, duhet te shqyrtohet menyra e fitimit te pronesise, ne menyre qe te percaktohen pjeset takuese per sejcilin anetare te familjes. Faleminderit

Leave a Reply


Kthehu tek pyetjet