Përshëndetje,
Nëse ju jeni debitor kundrejt një subjekti të caktuar, në bazë të Kodit Civil ju mbani pergjegjesi me pasurine tuaj të tashme dhe te ardhme, pra edhe nese ju nuk keni para per momentin, detyrimi do te mbetet. Me konkretisht, kontratat bankare te huase perbejne titull ekzekutiv dhe si te tilla, kreditori, pra Banka ka te drejte qe te kerkoje leshimin e urdherit te ekzekutimit ne gjykate. Ky eshte nje gjykim i cili zhvillohet pa pranine e paleve dhe madje ju si debitor nuk merrni dijeni fare. Me pas ceshtja shkon prane Zyres permbarimore shteterore ose private, per ekzekutimin e detyrueshem. Persa kohe ju keni dhe dorëzanës,i cili është një familjar i juaji, atëherë ekzekutimi detyrimit do preki edhe pasurinë e tij.Dorëzania është një veprim juridik me të cilën një person (dorëzanësi), detyrohet t’I sigurojë kreditorit ekzekutimin e detyrimit të një personi të tretë (debitori kryesor). Në rastin konkret, bazuar në rrethanat që ju keni referuar dorëzanësi është përsëri në paaftësi paguese.
Atëherë përmbarimi fillimisht do të bllokojë llogaritë tuaja bankare, dhe do të vendose sekuestrimin në pasurite tuaja të luajtshme dhe të paluajtshme që janë të regjistruara. Nese ju aktualisht nuk keni te holla ne banke, apo pasuri të tjera por vetëm rrogën detyrimi do të përmushet në vazhdimësi nga rroga juaj, duke llogatitur të ardhurat e nevojshme për jetesë dhe pjesa tjetër do të mbahet për llogari të kreditorit.
Gjithashtu ekzekutimi i detyrueshem është një procedure që rregullohet nga ligji dhe nuk eshte ne diskrecionin e kreditorit, apo te permbarimit. Nese konstatoni veprime ne kundershtim me dispozitat e K.Pr.Civile, mund t’i drejtoheni gjykates me kerkese per kundershtim te veprimeve permbarimore.
Theksoj se persona të tretë qofshin edhe prindërit tuaj, të cilët nuk janë përfshirë si dorëzanës apo nuk kanë dalë garant për detyrimin nuk mund të preket pasuria e tyre.
Ju faleminderit!