Pershendetje,
Une kam nje prone ne fshatin Linez, njesia administrative “Dajt”, Tirane. Ne kete prone kam vendosur nje kioske me permasa 12 meter gjatesi dhe 4 meter gjeresi. Jam i interesuar per te lidhur kontraten me OSHEE-ne per kete objekt (kioske). Ne ate zone trasformatori me i afert eshte 500-600 meter larg. Une kam pyetur dhe me kane thene qe ne duhet te sigurojme vete kabllin, shtyllat dhe aksesoret e tjere ne menyre qe te lidhet kontrata dhe te sigurohet energjia elektrike. Per sa me lart, doja te dija:
1. A e siguron OSHE shtrirjen e linjes nga trasformatori deri ne destinacion (sahati), nese po sa vonohet?
2. Pagesa e kontrates eshte e njellojte, edhe ne rastin kur e ke bere linjen me shpenzimet e tua si dhe kur ajo behet nga vete OSHEE-ja?
3. Cfare dokumentash duhen per te lidhur kontraten pasi nuk kemi certifikate pronesie per kiosken?
Ju faleminderit,
One Response
Pershendetje. Si rregull i pergjithshem shpenzimet e lidhjes se furnizimit te energjise elektrike jane ne ngarkim te furnizuesit, pra ne kete rast te OSHEE-se. Megjithate, ne raste specifike, kur objekti eshte ne distance, kjo mund te zgjidhet dhe me marreveshje midis paleve. Megjithate, ne rastin tuaj duhet te keni parasysh se nese objekti nuk eshte i regjistruar ne emrin tuaj, apo te keni nje aplikim per legalizim, apo nje leje per vendosje te ndertimeve te perkohshme, nuk mund te kryhet lidhja e kontrates. Konkretisht, ne vijim gjeni dokumentacionin e nevojshem per lidhjen e kontrates:
Kërkesë për furnizimin me energji elektrike (Formulari i Aplikimit)
Vertetim i identitetit (fotokopje e Karte identiteti ose pashaporte)
Fotokopje e Certifikatës e regjistrimit ne QKR (Per subjektet jofamiljare)
Gen-Plani i vendosjes se objektit.
Kopje e kontrates (karteles) se meparshme qe aplikanti mund te kete pasur
Vertetim i pronesise se objektit nepermjet dokumentave te rregjistrimit te prones,te tilla si : Akt shitje, akt qeraje, akt dhurimi ose akt ndarje prone te patundeshme.